Mai tekivutaki ena noa 25.11.2025 na Bose Levu Vakaturaga ena Valenibose e Draiba, Suva.
E va na tikina bibi era a veitalanoataka na noda Turaga kei na Marama bale.
E ra vakaraitaka na iliuliu ni Bose Levu Vakaturaga, Ratu Viliame Seruvakula ni vica na ulutaga bibi era sa tara na coka tikoga na uto ni noda bula na itaukei. E vaka koto oqo na vei ulutaga eso era veitalanoa kina:
1. Na tauyavutaki ni tobu ilavo ni veinanumi Vakaturaga ni Bose Levu Vakaturaga.
2. Tauyavutaki ni tobu ilavo ni kena maroroi na vakayagataki ni yau bula ni itaukei.
3. Veitalanoataki ni tikini lawa ni kena saumi na ivakacavacava ni vunikau ka ra tu ena vanua maroroi ni vakasoniwai se water catchment area.
4. Na kena vakamatata taki na qele soli vakavanua kina lotu ena kena yavu kei na kena vakayagataki ena gauna vou oqo.
Na vei tikina bibi oqo era wase vaka matanitu vanua, Kubuna, Burebasaga kei Tovata ka ra biuta vata na nodra nanuma se vakatutu ena veiulutaga oqo. Ni bera ni qai mai cauraki ena loma ni matabose.
Ena tomani ena siga edaidai Vukelulu 26.11.25 na nodra boseka na noda Turaga kei na Marama bale ka ra na tiko talega kina na iliuliu ni Matanitu kei na Bose Yaco, Hon. Sitiveni Rabuka.