Oqo ni oti na nodra a lako curuma e dua na vuli siga tolu ka biuta vata na Matabose ni Veikavakaitaukei kei na kabani levu na Rosie Holidays.

Na vuli oqo e vakaqaqacotaka na nodra veiqaravi vei ira na vulagi saravanua era dau gade yani ena loma ni koro me ra laki sarava na qara ka kilai me o Koroloaloa.

Na qara o Koroloaloa e vakatokayaca taki kina delana ka nodra yavu e liu na lewei Wailotua.

E vuqa sara vei ira na lewenivuli oqo era se qai biu vuli wale ka sa veitataunaki vei ira na Turaga ni Yavusa e Wailotua, na Tui Wailevu Ratu Savenaca Bosenawainibuka ena nodra maroroya na itavi sa vakacolati vei ira me baleta na bisinisi ni vanua.

E ra dau lakova vakawasoma tiko yani na vulagi saravanua ena nodra dau laki sarasara ka ra sa dau tu vakarau tu kina na lewenikoro ena nodra qaravi na vulagi.

Ia na vuli oqo ena laveta cake tale na ivakatagedegede ni veiqaravi me sala vata kei na gauna eda sa lako curuma tu edaidai.

Na yavusa Wailevu e wili kina e lima na koro -Wailotua 1, Wailotua 2, Malabi, Natokalau kei Dakuivuna.