Era a laki dolava na Bose ni Yasana o Serua ena siga na noa, Vukelulu na ika24 ni siga, ni Vula o Jiune na Turaga na Minisita ni Veikavakaitaukei Hon. Ifereimi Vasu.

A qaravi na bose qo ena Valenivolavola ni Yasana o Serua e Navua.

Ena nodra vosa na Turaga Talai ena dola ni Bose, era vakaraitaka ni oqo e dua na gauna vinaka meda dau mai veitalanoataka kina vakadodonu na veibolebole eso eda lako curuma, ka ra sota kaya tiko na lewe ni Yasana ena gauna nikua. Era tomana ena nodra vakaraitaka ni dodonu meda mai veitalanotaka eke na vei ituvatuva eso, me qaravi kei na kena cakacakataki tale ga na ituvatuva me rawa ni vakavotukana kina na bosebose ka vaka oqo.

Era veivakananumi, ka veitataunaki tale ga ena bibi ni noda maroroya na noda itovo, na noda vosa, ka vaka tale ga kina na noda veiwekani. E dodonu meda sa vakadewataka tiko vei ira na luveda, ni o ira qo na keda isosomi ena veisiga mai muri. Na noda vakadewataka nikua, era na sega ni karamaca na noda i Sausauvou ena veisiga ni mataka.

Era veivakararamataki tale ga ena vei ituvatuva eso ni Matanitu ka sa qaravi oti mai, na veika e sa qaravi tiko ena gauna qo; ka vaka tale ga kina na vei gauna bolebole eso e sa tara tiko na noda vanua.

Era veivakauqeti tale ga vei ira na lewe ni Yasana, ni sega ni dua na ka eda na rawata vakarawarawa kevaka e sega nida cakacakavata ka duavata.

A qaravi tale ga e dua na gauna ni nodra veitalanoa na lewe ni bose kei na Turaga Talai ni bera ni tekivutaki na bose. Ena mai vakacavari tale tiko ga ena yakavi nikua na bose ni yasana o Serua.

📷Sa toka oqori e vica na itaba mai na matai ni siga ni bose ni yasana.

#iTaukeiAffairs #SeruaProvincialCouncil #BoseNiYasanaSerua