Sa mai vakayacori rawa na imatai ni veitalanoa ni Village Guideline ena ika26 ni Siga ni Vula o Veverueri ka caka ena Holiday Inn.

Era dolava na veitalanoa qo na Vukevuke ni Vunivola Tudei ni Tabacakacaka iTaukei o Paula Tuione ka sogota na Chief Magistrate vakatawa, o Josaia Waqavolavola.

E dua na veitalanoa vinaka sara vei ra na tiko rawa ka will kina na vei mata mai na Tabana Veitacini ni veika vaka itaukei (MTA, TAB, TLTB) kei ira na veitabana vakalawa me vaka na Fiji Police, FICAC, DPP, SG’s Office.

E rua na ulutaga lelevu a mai vakadeuci kina, ka kena imatai na veika mena vakacurumi me ikuri ni vola dusidusi sa tiko oti, me rawa ni wili kina na vei bolebole sa lako curuma tiko na noda vanua me vakataka na waigaganiveivakamateni, nodra taqomaki na Marama, kei ira na gone ka vaka kina na vei bolebole tale eso eda sa donumaka tu qo.

E veitalanoataki talega na veitotogi eso me tau me veiraurau kei na cala sa vakayacori, ka yavutaki ena noda iTovo kei na iVakarau ni noda tiko vakavanua.

Esa qai matai tiko ni wavoki ni veitalanoa qo, namaki ni na vakayaco veitalanoa tale tiko na Tabacakacaka iTaukei kei na kenai vakalesilesi ena 3 na wasewase lelevu ni noda vanua, Yasayasa vakara, Vualiku kei na wasewase e loma. Namaki me vakayacori na veitalanoa qo mai na vula o Maji me yacova yani na vula o Me.