Call for Visionary and Competent Leadership at Central Division Forum
16 March 2026
Ciqoma o Unaisi Butuivalu na Veivuke me Laveta Cake na Nona Bisinisi
3 June 2026
E mai ciqoma edaidai na vua ni nodrau teiteivaki na valenivolavola ni Yasana o Tailevu(Tailevu Provincial Council) kei na kabani cokovata ni loba sucu ni yasana(Tailevu Dairy Farmers Cooperative Association Limited) e $39,849.54 mai na kabani na Tailevu Holdings Pte Limited.
Oqo na ivakayaga ni vakatubu ilavo ena kabani ni yasana na Tailevu Holdings Pte Limited ka sa sivia oqo e 40 vakacaca na yabaki ni kena cici tiko mai.
Ea vakayacori na soqo oqo ena valenivolavola ni yasana e Nausori na Ratu Cakobau House.
E vakaraitaka na ivakalesilesi ni kabani o Talei Rokotuibau ni 54%($21,959.61) e suka tale vei ira na lewe ni yasana ka soli ena valenivolavola ni yasana, ia e 45% ($17,889.93) e gole kina kabani cokovata ni loba sucu ni yasana.
E ciqoma na ivakayaga ena vuku ni valenivolavola ni yasana na iliuliu ni Bose ni Yasana o Tailevu, ka Turaga na Tui Nabou o Semi Matalau.
E mata mai na Tailevu Dairy Farmers Cooperative Association Limited o Rusiate Korovusere.
Na kabani ni yasana oqo na Tailevu Holdings PTE Limited esa dau veivuke tiko mai ena dua na gauna balavu ena loma ni yasana me vaka na nodra sikolasivi na gone, veivuke ki na Soqosoqo Vakamarama ni yasana kei na vakatoroicaketaki ni valenivolavola ni yasana ena yabaki sa oti.
E rau vakavinavinakataka na kabani erua na kena tutaki tiko na kabani ni yasana mai vei iratou na cicivaka tiko ena gauna oqo ka sa dau laurai tiko na kena drodrovi ira sobu tiko yani na lewe ni yasana na kena yaga.
