Ea vakayacori na veiqaravi vakavanua vua, ka meketaki na mena yaqona ni bera ni qai dolava na bose ena dua na vosa ka ra vakananumi kina na lewe ni yasana ena bibi ni veilomani kei veirairaici ena gauna bolebole eda sa lako curuma tiko oqo.

Era meke na turaga kei na cauravou ni Vaturova ena veivakamarautaki. E tukuni ni meke oqo ese meketaki vua na marama na Ranadi ena nodra gole mai ena noda vanua ena 1982 ena yanuyanu turaga mai Bau. Era tikora talega na dola ni bose o iratou na lewe na lewe ni bose yaco ka ratou cavutu mai na yasana o Cakaudrove. E na imatai siga ni bose e rogoci kina na nodra itukutuku na turaga na talai veivuke ena Vualiku. E ratou cau talega na isoqosoqo vakamarama ni yasana, soqosoqo ni tabagone, komiti ni yaubula ka vaka kina na kabani ni yasana.

Esa mai digitaki talega na turaga lailai mai Ai sokula, Ratu Glanville Lalabalavu me sa taura na itutu vaka ivukevuke ni Iliuliu ni matabose ni Yasana.