Na ituvatuva ni “Lesu ki Vuli” e dua na ikalawa ka sa taura na Komiti ni Vuli ni Yasana o Ba kei na iSoqosoqo Vakamarama ni Yasana ena vuku ni kena wali na biu vuli dole ena loma ni Yasana.
Na ituvatuva oqo edua na vatavata eratou vakayagataka na Komiti ni Vuli kei na iSoqosoqo Vakamarama ena sagai tiko me tamusuki na biu vuli koso ena loma ni yasana – e dua na tikina e dau veivosaki taki sara vakalevu ena Bose ni Yasana.
Na “Back to School” campaign ena loma ni yasana eratou a taleva kina e 21 na tikina ena loma ni yasana ka vakasavui kina na kosipeli ni vuli kei na vei sala e rawa ni muri me ra lesu kina na gone ki koronivuli.
Na veitalevi ena ituvatuva oqo e tekivu mai Savatu, Magodro, Qaliyalatina, Naloto kei Nalotawa ena Colo kei Ba.
Ka sirova mai na veitikina ena baravi – Tavua, Bulu, Nailaga,Vitogo kei Sabeto, ka gole vaka ki Vaturu, Nawaka, Rukuruku, Nadi kei Sikituru.
Ea ratou qai talevi talega na lima na tikina ena Yatu Yasawa balabalavu – Waya, Naviti, Nacula, Yasawa kei Viwa.
Ena itekivu ni vuli ena yabaki oqo 2025 era suka rawa kina ki koronivuli e 4500 na gone ka iwiliwili levu duadua ena dua na gauna ena Fiji National University e Ba.
E levu vei ira na itabagone oqo era vuli ena Automotive Engineering, Construction and Carpentry, Electrical and Electronics, Plumbing and Welding, Hospitality and Tourism, Agriculture and Fisheries kei na Maritime Studies.
E ratou vakaraitaka na komiti ni vuli ni Yasana o Ba “O Ba I na vi roaroa vou, me cava ko Ba ena lia vata qa na vilomani” – na itukutuku oqo e dusia ka bolea na vuli baleta na vi roaroa vou kei Ba ena tiko e ligadra na itabagone.
E ratou lewe ni komiti ni vuli ena yasana o Ba na Turaga na Tui Nawaka, Ratu Joeli Bulu, iLiuliu ni Bose ni Yasana, Ratu Meli Tora Tavaiqia, Dauraivuli, Peniasi Tora kei na Roko Tui Ba, Iliesa Delasau.